*I TUNG A TOUPA HOIH DAN THUPI LUA !*

Mawi Tombing

Endih..... Unau i tung a Toupa hoih dan na ngaihtuah ngei hia... ? I kul leh poimawh chiteng hon ngaihtuah sak in, na ngetlouh tan in leng na kul leh poimawh teng hon pelai hi. Hichituk a hon it, duat leh khual a hon khotuah om nonlou ding hi. Ngaihtuah thak dih unau bang ziaka hichitel a hon it nawlkhin thei ding i hia ?

I hinnate ei khut a omlou, Pathian khut a om ahi. Khophok lou a ihmu hang a khovak hun a hon khanglou sak zel na kipak kei ahia ? Niteng hun teng a sihna lim guam tawna pai a hinkhua zang hang a, sih theina dinmun a i dinlai a leng i hinna hon humbit sak; kuadang hilou in i tung a hoih Pathian ahi. Bangziak a Amah thei utlou a, zui utlou leh thumang lou a hinkhua zang lai di i hia? Hehpihna hun a beima in kingaihtuah thak ni uh aw Unau.....

I tung a Toupa' hoihnate ngaihtuah in sut mah dih, nang hoihna leh suan ding om hetlou a hiaitan hon tun a, damna hon pia kipahthu nagen tel kei dia hia? Pathian hoihna hon itna sut thak mah dih mawk pau ngamna ding le hilou ahi. A zakdah gen khak ding nak lauhhuai lua hi. A hoihnate i sutlouh ziakin eimah hihtheihna bang i sakha mawk uhi. Pathian deihlouh dana om khak a, pau khak ding lauhhuai lua hi. Pathian neih taktak nahih leh Pathian mitmei veng a, hinkhua zat ding ahi. Bangzahta in i tung a Pathian hoih hi leh leng' gawt kawm a hawi dan siam Pathian ahi chih le phawk thak ni. Hiaitan a hon it a, hon kemtu kitheihmawh bawl nawn kei ni. Kipahthu gen in hehpihna hun a beima in Amah zui di'n kisathak ni....Unau. Toupa hon itna........